UHAWE IKAZE KURI RADIO INYABUTATU

Ese umwicanyi Paul Kagame aracyafite intsinzi mu bikorwa bye Cyangwa arabyina avamo? Ese iminsi ye myiza iri imbere ye cyangwa yamurangiriyeho cyera ntiyabimenya?

шаблоны сайтов
joomla

Ni kuri uyu gatandatu, tariki ya  24/10/15  kuri Radio Inyabutatu ikorera kuri SW no kuri internet.

Ubuyobozi bwa Radio Inyabutatu ikorera kuri shortwave ku murongo wa 17605kHz muri  band ya 16; no kuri internet amasaha 24/24 kuri site (www.radioinyabitatu.org cyangwa www.inyabutatu.org) buramenyesha abanyarwanda bose ko ku wa gatandatu tariki  ya  24/10/15 guhera saa 20h00-21h00  z'ikigoroba i Kigali mu Rwanda, Radio Inyabutatu izabagezaho ikiganiro gifite insanganyamatsiko ikurikira:

Ese  umwicanyi Paul Kagame aracyafite intsinzi mu bikorwa bye Cyangwa arabyina avamo? Ese iminsi ye myiza iri imbere ye cyangwa yamurangiriyeho cyera ntiyabimenya?

Paul Kagame ntiyagize isoni ko bamubyinira intsinzi mugihe intumbi zari zicyandagaye mu Rwanda hirya no hino muri 1994. Yihutiye kubeshya isi yose ko ariwe wahagaritse jenocide yakorewe abatutsi muri 1994.

Yiyamamaje nkaho ari we wenyine ku giti cye wagize icyo gikorwa cy'ubutwari budasanzwe bwo guhagarika genocide, yarakiyitiriye wenyine ntawundi bagisangiye bituma yigira ikigirwamana.

Aho anyuze hose bakamuvugiriza ingoma kuko ukuri k'ubugome bwe kwari kutaramenyekana, abanyarwanda n'abanyamaga bakoze ikosa rikomeye ryo kumira bunguri ibinyoma bye rugikubita.

Guhambura urwo ruboho rw'ibinyoma bye bizingazinze byatwaye igihe kirekire. Byabaye ngombwa ko abakoranye nawe byahafi bamutoroka bakamena amabanga ye ateye ubwoba ukuri kujya ahagaragara: ubwicanyi bwe ndengakamere buhinduka ikimenyabose, kuva ukuri kwamenyekana uruhu rwamwikubiyeho, BBC yagaragaje amarorwerwa ye, Loni yasohoye amaraporo yerekana ukuntu ari umwicanyi ruharwa, Ubutabera bwa Espanyi buramushinja ibikorwa by'iterabwoba we n'agatsiko ke.

Ibihugu Paul Kagame agiye gukoreramo Rwanda day ahahurira n'imyigaragambyo ikomeye yo kumu koba no kumwamagana.

Cyera yahabwaga ibikombe n'imidari n'ibindi byubahiro byinshi none aho ageze mu mahanga avugirizwa induru ntihagire umutegetsi wiyubashye umwakira mbese baramuhunga nk'urwaye ibibembe, iminsi ye myiza yararangiye, ubwicanyibwe ndengakamere bwaramenyekanye. Amaraso yabo Paul Kagame yishe aratabaza Imana. Abasigaye imusozi yahekuye baramuvumira ku gahera.

Abazi ukuri kw'ubugome bwe ndengakamere bazishima umunsi bibagiwe ko Paul Kagame yigeze kubaho. Iyo bamwibutse barasuherwa. 

Buri munsi Paul Kagame amaze k'ubuyobozi uba ari akaga ku banyarwanda. Abanyarwanda baramurambiwe kandi ntibifuza kwongera kumubona yihishe ubutabera  muri Village Urugwiro nyuma ya 2017. 

Sibo bazabona bakize uyu mwicanyi umunsi uwariwo wose. Bazahumeka ari uko atagihumeka.  

Iyi mivumo ntahandi ituruka uretse amaraso ya bagenzi be b'abasirikare yishe n'ay'abanyarwanda muri rusange akomeje kumwokama.  

Ni ikosa kubyinira  umwicanyi ruharwa, kumukomera amashyi cyangwa kumuvugiriza impundu kuko bituma ashyekerwa.   

Gukomera amashyi Paul  Kagame ni nko guheka impyisi kuko areba inyungu ze gusa.   

Yacengeye  Interahamwe, arangije azishumuriza abatutsi   bari mu Rwanda azi neza ko  nyina, umugore we, abana be, bashiki be, umuryango w'umugore we n' inkoramutima ze za hafi batari gutikirira  muri jenoside  yaramaze gutangiza ahanura indege ya Yuvenali Habyarimana kuko babaga hanze y'u Rwanda.  

Gukingira ikibaba umurozi ruharwa, gukorana  na we cyangwa kumushyigikira ni ugufatanya icyaha  na we no kwikururira ibyago.  

DORE ICYO DUKWIYE GUKORA: ni ngombwa kwamagana ikibi aho tugisanze hose bityo ntihagire umugiranabi uba muri twe cyangwa ngo adutegeke. 

Umwicanyi ruharwa Paul Kagame abanyarwanda bagomba kumuha akato kandi bakamwirukana  muri Village Urugwiro kuko niho ashaka kugumya kwihishamo ubutabera.  

Abanyarwanda ntibagomba kureka Paul Kagame ngo yizirike ku butegetsi ubuziraherezo. Kumureka akaguma ku butegetsi nyuma ya 2017 ni ukwicukurira imva.  

Ntagomba gukomeza guhuma abanyarwanda amaso ababeshyeshya iterambere  ridafite naho rishingiye mu gihe inzara n'amavunja bivuza ubuhuha mu Rwanda kandi abaturage baragijwe imbunda, banakubitwa buri munsi!   

Nta terambere ryaruta ubuzima bw'abanyarwanda benshi Paul Kagame yirengeje.

Kigali ahora arata yanitsemo amagufa y'abacu babuze ubuzima bwabo igihe yatangizaga jenoside ahanura indege yarimo Yuvenali Habyarimana. 

Paul Kagame si intwari nkuko ahora abyigamba we n'umucurabwenge w'ibinyoma bya FPR Tito Rutaremara ahubwo ni ikigwari gihimbira guhohotera inzirakarengane.   

Buri gihe, akoresha ibinyoma, akitwikira ijoro cyangwa agakoresha amarozi yarangiza akegeka ubwicanyi bwe ku bandi. Ni ukuri koko, iyo umuntu adafite amahoro n'umutekano, ntaho abari.  

Ariko burya ngo iyo imbwa ikwirukankanye ishaka kukurya, urahindukira ukayireba, igahunga izinze umurizo.   

Erega munyarwanda ni wowe ubwirwa!!! Kandi baca umugani ngo: "uhishira umurozi akakumaraho urubyaro".   

Abatumirwa muri iki kiganiro ni aba bakurikira :   

1.    Bwana Yosefu Mutarambirwa, umuyobozi mukuru w'Ihuriro ry'Inyabutatu - RPRK 

2.    Bwana Jackson Munyeragwe, umunyamabanga  mukuru  w'Ihuriro ry'Inyabutatu - RPRK   

Radio Inyabutatu kuri facebook: 

Ushobora gukurikira ibiganiro bya Radio Inyabutatu kuri FACEBOOK page yayo, ukoresheje uburyo bwa Soundcloud kuri mudasobwa.   

AGASHYA: 

Abantu bari muri Amerika, Kanada, Ubwongereza, Ubufaransa n'Ububirigi bashobora kwumva Radio Inyabutatu ku matelefoni yabo agendanwa hatitawek'ubwoko  bwa telefoni bafite, ntabwo bisaba ko telefoni yawe iba iriho amafaranga ya internet ntanubwo bisaba ko telefoni yawe iba ifite option ya internet muriyo, icyo usabwa ni uguhamagara umwe muri iyi mirongo ya telefoni ikurikira:  

1. Umurongo wo mu Bwongerezani: (+44) 033.00.10.38.98

2. Umurongo wo muri Amerika na Kanada ni:   (+1) 712.432.5797  

Iyi mirongo yombi ushobora kuyihamagara ukoresheje telephone mobile cyangwa telephone  fixe.  

Iyo uhamagaye kuri umwe muri iyi mirongo wumva Radio Inyabutatu kandi nta mafaranga wishyura.

Abafite  telefoni zifite skype bo bashobora guhamagara kuri izi  telefoni bagakurikirana gahunda za Radio Inyabutatu hatitawe ku gihugu baba barimo, nabwo  ntibishyura.  

Abifuza kuzagira ibyo babaza cyangwa bunganira muri iki kiganiro, bashobora gukoresha ibi bikurikira:

Telephone:  +44 20 3239 7318

Email:        This email address is being protected from spambots. You need JavaScript enabled to view it.  This email address is being protected from spambots. You need JavaScript enabled to view it. 

Skype: radioinyabutatu

Facebook: Radio Inyabutatu 

Radio Inyabutatu yo kuri shortwave isigaye ivugira ku murongo wa 17605kHz muri meter band ya 16; 

Radio Inyabutatu ivugira kuri shortwave yumvikana mu Rwanda hose buri wa gatandatu guhera saa 20h kugeza saa 21h za ni mugoroba I Kigali mu Rwanda.  

Radio Inyabutatu ikora amasaha 24/24 kuri  websites: www.radioinyabutatu.org cyangwa www.inyabutatu.org 

Radio Inyabutatu ikorera kuri shortwave yumvikana mu Rwanda hose ku maradiyo agendanwa, amaradiyo yo  mu rugo,amaradiyo yo mu modoka n'andi maradiyo yose afite umurongo wa SW/Shortwave buri  wa gatandatu guhera saa mbiri kugeza saa tatu  (20h00 - 21h00) z'umugoroba.  

Radio Inyabutatu ifite ububasha bwo kwumvwa n'abantu bari ku mugabane wa Afurika, ku mugabane w'Uburayi, ku mugabane wa Aziya, ku mugabane wa Amerika y'amajyaruguru (Leta  Zunze Ubumwe z'Amerika na Kanada).  

Kugira ngo wumve Radio Inyabutatu ikorera kuri Shortwave Station, bigusaba kuba ufite akaradiyo akariko kose gafite umurongo wa SW/Shortwave.  

Mugire Imana.

Ubuyobozi bwa  Radio Inyabutatu
Akarere  k'ibiyaga bigari bya Afurika